احاديث متنوعهفكر وادب ولغه

حَرم العلاقات

بقلم . بسمه العدل

كل واحد مننا بيبص للأمور من منظوره الشخصي جدا ..اللي مهما ضاق أو وسع فهو في الآخر منظور محدود جدا 👌

منظور طبعه ، منظور تربيته ، منظور وظيفته ، اصحابه ، بيئته ، خبراته … الخ

كل واحد ليه قناعاته الشخصية جداً ..
في اللي بيتميز بنسبة مرونه و تقبل ،
و في اللي متشبث و لا يقبل غير ما يراه !

و عشان يفضل الاحترام موجود و العلاقات محافظة علي شكلها السوي .. لازم ترك مساحة للإختلاف ..

مساحة تقدروا تتحركوا فيها من غير متصطدموا ببعض !

حاجة كده عاملة زي حَرم الطريق .. اللي لو تجاوزت المسافة المفروضة بينك و بينه يا هتلبس في الرصيف او تقع في ترعة او تدخل في ارض زراعية و الله أعلم هيحصلك ايه !

زي ما الطريق ليه حَرم فكل العلاقات الانسانية بردو ليها حَرم أخص و أخطر 👌

طول ما انت محافظ علي المسافة الآمنة بينك و بين اللي حواليك .. طول ما هتفضل محافظ علي نفسك و محافظ علي العلاقة بشكل سوي و لطيف و محترم ..

 

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *