مختلفين
![](https://ranianews.com/wp-content/uploads/2018/07/بو-1-1-780x405.jpg)
كتبت .بسمه العدل
عمر ما حد هيشوف بعينك و لا يحس بقلبك و لا يسمع بودانك و لا يفكر بعقلك !
تجاربنا طول الوقت مختلفة و ظروفنا متغيرة و تقبلنا للحاجات غير !
محدش خالي من العقد و لا الخوف و لا القلق و لا التطلع و لا الطموح و لا الرغبة ..
اللي بيفرقنا عن بعض ايه سابق ايه و ايه بيطغي علي ايه ..
مفيش حد معندوش نقطة ضعف و لا مدخل .. بس في واحد مسيطر و واحد سايب نفسه زي الشباك المفتوح .. يدخله نور ماشي ، تراب ماشي و شوية هوا يرزعوه يمين و شمال !
العبرة في الآخر إن احنا مختلفين .. بأفكارنا و معتقدتنا و أحاسيسنا و مشاعرنا حتي لوننا و ملامحنا مختلفين ..
حتي لو بان لنا ان احنا متشابهين .. هنفضل بردو مختلفين ?
كل واحد في الحياة اتخلق ببصمة غير و كل تفصيلة تيجي وراها غير !
يا تحترموا اختلافكم و تصونوا مشاعركم .. يا كل واحد يمشي في طريق غير