كتبت .ا.منى الحضرى
– مفيش حد يشبه حد ولا حاجة تشبه التانية لدرجة التطابق زي بالظبط ما هو مفيش بصمة تشبه التانية ولا نجمة تشبه أختها ولا حبة رمل زي حبة رمل. – أيوه إحنا ممكن يكون لينا نفس الهدف ورغم دا نختلف في أسلوبنا وطريقنا لبلوغه، وبالطبع دوافعنا المُحركة لينا ممكن كمان تختلف. – التشابه لدرجة التماثل كذبتنا الكبيرة أو آسفة (العبيطة) اللي بنضحك بيها على روحنا رغم إننا بنظرة خاطفة على كفوف إيدينا هنعرف إن صوابعنا مش شكل بعضها، وهنتأكد قد إيه عشنا في وهم ملوش أساس. – خلاصة القول: “إن الإختلاف سنة كونية ثابتة تعلن عن نفسها في كل زمان ومكان؛ فلا تقف أمامها كثيراً حتى وإن صدمك الواقع”.
