كتبت .بسمه العدل
إلى أمي:
“أنتي لست يوم يا أمي ♡ أنتي الحياة و الروح ♡
أنتي حب و حنان ♡ و أمن و أمان و اطمئنان♡
أنتي سلام .. ”
#الأم ?
هي صناعة ربانية خاصة, ربنا خلق الكون كله و خلقها و ميزها هي بصفات خاصة جداً..
خلقها بمقومات تخليها تقدر تتحمل أي شئ في الكون عشان خاطر ولادها،بداية من الحمل و الولادة و الطلق ( أوجاع لا توصف )،و الرضاعة و تفاصيل كتير بتمر بيها و تتحملها عشان بس خاطر الأمانة اللي ربنا ادهلها مهما كان بيها ايه!
الأم اللي بتقوم تقف عشان تأكل عيالها في عز تعبها، اللي بتسهر و تبكي لو جالهم أي دور تعب، اللي بتغسل و تنضف و تحمي و تشيل و تحط..
اللي بتصبر و تكافح و تستحمل بقلب راضي عشانهم!
الأم اللي بتنسي نفسها و تدوب في ولادها و حياتهم و تفاصيلهم، و اللي بتعافر عشان تحققلهم أحسن حاجه في الدنيا ..
الأم اللي بتفضل دايماً محتاجلها مهما كبرت و مهما عليت و وصلت..
و كأن حبلها السري دايماً حبل موصول،من ساعة ما ربنا خلقنا لحد منموت جوانا، عشان يفكرنا باللي ادتنا من جسمها و صحتها و طاقتها عشان نبقي موجودين!
الأم اللي بتنصح و تزرع الخير و الحب و الأخلاق في ولادها،
اللي بتدعلهم بقلبها قبل لسانها في كل وقت عشان تشوفهم دايماً بس بخير و صحة و سعاده و راحة بال و أعلي مكانة دنيا و كمان في الآخرة..
أنتم جنة الله في أرضه فطبتــم وطــاب ممـشــاكــم و سعيكم وتـبــوئـتـــم مــن الجنـــة منـــزلاً ❤
#الأم
#جنة_الأرض
#بسمة_العدل
#خاطرة_بو ?
