د.محمود سليمان
عضو الجمعيه المصريه و الاوربيه لامراض القلب ..رئيس قسم القلب مستشفي الطلاب جامعة عين شمس
خبر وفاة الفنان هيثم أحمد ذكي الحقيقة هز ناس كتير جدا واحزننا جميعا.. وتسبب في وجود مشاعر مختلطة لكتير منا… رحمة الله عليه.. معقولة؟؟ بس ده صغير اوي! طيب ماكنش في حد معاه يلحقه؟ يعني تعب ومات مرة واحدة كده؟؟؟ الحقيقة ان الأعراض دي بتشبه أعراض الجلطة القلبية… اللي مايعرفهاش ناس كتير.. واللي بيتداخل تشخصيها مع تشخيص التهاب المعدة، بسبب تشابه الأعراض.. عشان كده خلونا نعرف إيه شكل الأعراض دي. أعراض الجلطة القلبية بتيجي في صورة مغص شديد في البطن من فوق مع غثيان وقئء وعرق غزير – زي بالظبط اللي حصل للفنان الراحل هيثم احمد ذكي قبيل وفاته على طول- والمشكلة إن ناس كتير بتعمل زي ما هو عمل ويروحوا الصيدلية ويجيبوا دواء للبطن وخلاص لظنهم انها مشكلة في المعدة. لكن الحقيقة أن فهم الأعراض والتوعية بيها ممكن تنقذ حياة بني ادم وتخلينا نتجنب التشخيص الغلط. الجلطة القلبية ممكن تبجي للصغير والكبير وبتحصل نتيجة انسداد الشريان التاجي و ممكن تشخيصها بدري عن طريق رسم القلب وانزيمات القلب.وعشان كدة،من الضرورى في حالة الشعور بالاعراض دي،نروح المستشفي عشان نتأكد ان دي مش أعراض جلطة قلبية أو نلحقها في اولها.
الوعي الصحي بيجنبنا مشكلات كتير.. وياريت لو حسيت إنك تعبان في اي وقت تستعين بأقرب حد متخصص عشان يقدر يساعدك
