كتب :الشاعر :ممدوح السباعيي
عضو اتحاد كتاب مصر
النمرة طلعت غلط
تليفوني امبارح رن رنة
رديت لقيته صوت مليان محنة
قالت لي يا حلو الملامح
انت مش عارفني ؟
أنا البت ” منة ”
سرحت لحد ما وصلت فوق السحاب من فوق
وراسي لفت ودارت واللي تحتي شفته فوق
قلت لها انتي قصداني يا ست
أنا اللي عمري ف يوم ما عرفت بت
يجبر بخاطرك رب الخلايق
ما كنتش اعرف اني واد جذاب وعايق
وتليفوني يرقص من فرحته
وقلبي بوداني سامع دقته
والعقل زي ما يكون اتهرش
أو راح حتة تانية مش حتته
وفضلت سارح
لا أنا عارف أنا ساكت ولا بتكلم
لا أنا عارف أنا ممدوح ولا مجروح و بتألم
لا أنا عارف أنا صاحي ولا نايم ولا هايم
لحد ما قالت لي مالك يا محسن
انت نسيتني ؟
بصيت لتليفوني وقلت له آه يا واكسني
أنا اللي افتكرت نفسي ف حب البنات آكل الزلط
أهي النمرة طلعت غلط
رديت لقيته صوت مليان محنة
قالت لي يا حلو الملامح
انت مش عارفني ؟
أنا البت ” منة ”
سرحت لحد ما وصلت فوق السحاب من فوق
وراسي لفت ودارت واللي تحتي شفته فوق
قلت لها انتي قصداني يا ست
أنا اللي عمري ف يوم ما عرفت بت
يجبر بخاطرك رب الخلايق
ما كنتش اعرف اني واد جذاب وعايق
وتليفوني يرقص من فرحته
وقلبي بوداني سامع دقته
والعقل زي ما يكون اتهرش
أو راح حتة تانية مش حتته
وفضلت سارح
لا أنا عارف أنا ساكت ولا بتكلم
لا أنا عارف أنا ممدوح ولا مجروح و بتألم
لا أنا عارف أنا صاحي ولا نايم ولا هايم
لحد ما قالت لي مالك يا محسن
انت نسيتني ؟
بصيت لتليفوني وقلت له آه يا واكسني
أنا اللي افتكرت نفسي ف حب البنات آكل الزلط
أهي النمرة طلعت غلط
