فكر وادب ولغه
ليلى جارتنا
![](https://ranianews.com/wp-content/uploads/2022/07/293784034_1144028256182160_58636083499085275_n.png)
بقلم ::عاطف محمد
ليلى جارتنا
(قصة شعرية تحكى أزمة السكر فى وقت مضى الله لا يرجعه )
ليلى جارتنا
بنت الحاج حسين بركات
جوزها ضربها
علشان ناوية تجيب شربات
أصل الفالح ابنها أحمد
عدى وفاز ف الامتحانات
طلع ال ١٠٠ كتر خيره
وده ترتيب ولا ف الخيالات
سألوا جيرانها ليلى دي كفرت
ولا ارتكبت يوم حرمات
جوزها السيد أحمد سالم
بص بعين مليانه شرارات
الهانم هاتجيب شربات
وكمان سكر حلويات
أيه مشكلتك بس ياعم
تفرح وتوزع شربات
فين السكر وأحنا ف أزمة
وإن لقيناه بشئ وشويات
عاندت قالت بص ياسيد
مالناش دعوة بلاها حركات
الواد حيلة نتيجته جميلة
المفروض ندبح جاموسات
قلت خلاص يا وليه اتلمي
شهر وهاقبض جمعيات
خبطت على صدرها واتعوجت
يانهار مش فايت يا أخوات
يبقي الواد ناجح واستنى
شهر بحاله مافيش حفلات
راح مناولني بكوعه ف وشي
دمي اتصفى حنفيات
غرق لبسي وكرسي السفره
والسجااااااااااااادة
وطقم الصيني والشربات
صعبت نفسي عليا وحمقت
هو جايبني من الخربات
لاء ده انا عيلتي تسد الحارة
وبتوع بلطجة على خناقات
لينا شهرة ف كل شوارع
وشقاوة مليانة حركات
عليتك إيه يا عويلة يا نيلة
دول جرحى في العمليات
وبيتعالجوا من ١٠٠علقه
وفتح دماغ على كوم كدمات
ماشي ياسيد بيتك يحرم
ولا يلزمني فيه وأبات
رايحه لابويا الغالي الطاهر
هابقى هناك ست الستات
وأنت اتكفل بقى بعيالك
الواد أحمد ونفيسه والست بنات
بصوا جيرانها وقالوا يالهوي
دى نفيسه بترضع بالذات
هدي ياليلى خلاص استهدي
لسه فيه شوية حلولات
إن كان ع السكر هانشارك
ده احنا جيران وأعز أخوات
زمبكوا إيه ياجيرانا تضحوا
مابقاش زمن التضحيات
معلقتين م السكر جامدة
دول ينزعوا م القلب آهات
حاجة بسيطة ومادقيش
سلو حارتنا ف كل حالات
عمرة ماهنسى جميلكم أبدا
هانشره ع الفيس ويا الشات
واعمل يافطه بخط عريض
ضحت حاره عشان شربات
وأنت يا أبو أحمد طول بالك
ولا تسخنش عشان حريمات
دول ناقصين ف العقل ياراجل
ويودوك الاجزخانات
جملة حنفي شاكر برعي
جنت فيها جنون ستات
بعد الجملة دي….. تحديدا
أحمد سالم راح غيبوبة
سكن الصمت وكل سكات …
بنت الحاج حسين بركات
جوزها ضربها
علشان ناوية تجيب شربات
أصل الفالح ابنها أحمد
عدى وفاز ف الامتحانات
طلع ال ١٠٠ كتر خيره
وده ترتيب ولا ف الخيالات
سألوا جيرانها ليلى دي كفرت
ولا ارتكبت يوم حرمات
جوزها السيد أحمد سالم
بص بعين مليانه شرارات
الهانم هاتجيب شربات
وكمان سكر حلويات
أيه مشكلتك بس ياعم
تفرح وتوزع شربات
فين السكر وأحنا ف أزمة
وإن لقيناه بشئ وشويات
عاندت قالت بص ياسيد
مالناش دعوة بلاها حركات
الواد حيلة نتيجته جميلة
المفروض ندبح جاموسات
قلت خلاص يا وليه اتلمي
شهر وهاقبض جمعيات
خبطت على صدرها واتعوجت
يانهار مش فايت يا أخوات
يبقي الواد ناجح واستنى
شهر بحاله مافيش حفلات
راح مناولني بكوعه ف وشي
دمي اتصفى حنفيات
غرق لبسي وكرسي السفره
والسجااااااااااااادة
وطقم الصيني والشربات
صعبت نفسي عليا وحمقت
هو جايبني من الخربات
لاء ده انا عيلتي تسد الحارة
وبتوع بلطجة على خناقات
لينا شهرة ف كل شوارع
وشقاوة مليانة حركات
عليتك إيه يا عويلة يا نيلة
دول جرحى في العمليات
وبيتعالجوا من ١٠٠علقه
وفتح دماغ على كوم كدمات
ماشي ياسيد بيتك يحرم
ولا يلزمني فيه وأبات
رايحه لابويا الغالي الطاهر
هابقى هناك ست الستات
وأنت اتكفل بقى بعيالك
الواد أحمد ونفيسه والست بنات
بصوا جيرانها وقالوا يالهوي
دى نفيسه بترضع بالذات
هدي ياليلى خلاص استهدي
لسه فيه شوية حلولات
إن كان ع السكر هانشارك
ده احنا جيران وأعز أخوات
زمبكوا إيه ياجيرانا تضحوا
مابقاش زمن التضحيات
معلقتين م السكر جامدة
دول ينزعوا م القلب آهات
حاجة بسيطة ومادقيش
سلو حارتنا ف كل حالات
عمرة ماهنسى جميلكم أبدا
هانشره ع الفيس ويا الشات
واعمل يافطه بخط عريض
ضحت حاره عشان شربات
وأنت يا أبو أحمد طول بالك
ولا تسخنش عشان حريمات
دول ناقصين ف العقل ياراجل
ويودوك الاجزخانات
جملة حنفي شاكر برعي
جنت فيها جنون ستات
بعد الجملة دي….. تحديدا
أحمد سالم راح غيبوبة
سكن الصمت وكل سكات …