سامح

التسامح له ملامح
لما نفهمها نعيش
لما نعرفها نعدي
كل مانع
وكل هيش
امسح الأوجاع بأيديك
جوه نبضك وف وريدك
سامع اللي
راح يقولك دول أذوني
عذبوني ودمروني
ذودوا نبضات شجونى
سهروا عيني وجفوني
قالوا عني واساءوا ليا
واستخسروا أفرح شوية
خلوا ألمي ع المشاع
خلوا دمعي
نازف صداع
ذكرياتي ف الألم
لما افتكرها
افتكر أيام بتوجع
اتمنى يومها
بلاها ترجع
أصلي جواها اتظلمت
وكان ساعتها حالي حال
سهرتني وقولت فيها
١٠٠ سؤال
بس الجواب مني هنا
مني أنا
خدها منى
أصلي ليك
أنا جى اصارح
لازم تسامح
أيوه سامح
اعفو عن مخطىء واصفح
قبل مايخلص رصيدك
قبل ماينفض عيدك
قبل ما ليلك يدوم
ويموت نهارك
كل يوم
طب تخيل إنك أنت
راح تشكَّر
فى اللي ظلمك
أيوه طبعًا
أصل ظلمه
ذودك قوة وروح
خلاك تعدي ع الجروج
خلاك تسطر ف التاريخ
وتكون كبير
باني قدرة
ع التسامح
لو ماسامحتش
أيه يفيدك
لو دورت
مش راح تلقى
أى فوايد
تذكر ليك
غليانك
هايعيش ف سكوت
عمال بيمزع جواك
ويسكت ف القلب الصوت
لو ماسامحتش
هاتعيش عمرك
مش مبسوط
فاكر ظلمه وألمه ووجعه
هو ماهوش فاكرك بالمرة
عايش يضحك وبيتمتع
ولا يعرفش
إنك بتموت
أنسى عشان تقدر تتعايش
لا هو ضعف
ولا قلة حيلة
يقدر ردك يسحق هو
بس خسرت
خسارة كبيرة
روحك نفسك
كل جميلة
طيب يلا
ها نعيد ف حسابنا
من الأول
نقطة و ليها
لازم تعرف
ده تسامحك
تأكيد ها يخفف
تقل القلبك المليان هم
خلا النبض بيشرب سم
يلا اتخلص م اللى يشدك
ويخلى فكرك م الجيفة
خلى الوقت
حكاية خفيفة
حرر نفسك
دى النفس ضعيفة
حررها من تقل القلب
م الوجع الساكن جواها
م اللى اذاها
م اللى عدى واللى كان
من أسى ظلم الزمان
والبشر حتى المكان
فك قيد نفسك وعيش
كل ساعة وكل ثانية
نزل الأحمال شويه
من على كتفك
وانسى الدنيا
سامح وأملك
راح توصل
ف الآخر حلمك
بص لموضوعك من جوه
راح يتحول ألمك قوة
و ينور ضيك ف عنيك
وتسامحك
هايعيش يراضيك
ويعلى شانك
تلاقيك
وتقابل نفسك من تاني
اعفو عشان
نفسك تهديك
ف الآخر
راح تبقى سليم
لما تقابل وجه كريم
راح يحتسبك
م الصابرين
اعفو هاتبقى
أنت السيد
أنت الجيد
تلقى جو الدنيا لذيذ
اللي يسامح ….
يبقى عزيز