بقلم .بسمه العدل
من أصعب اللحظات .. لما بتشوف حد بيتوسل و بيترجي إن أي حد يدعي لمريض أو عزيز عليه بيمر بظروف قاسية و أقساها المرض و الوجع !
متستخسروش تدعوا دعوة بظهر الغيب لأي حد تعرفوه أو متعرفهوش ..
متستخسروش لعلها ساعة إجابة .. لعلها المنجية ..
كلنا دايما محتاجين الدعاء .. و لعل دعوة تدعيها لحد محتاجها تتردلك أضعافها ..
الدعاء ده سحر .. أوقات بيبقي الوسيلة الوحيده اللي بتربطنا باللي بنحبهم …
اللي غايب و اللي مسافر و اللي مريض و اللي بيمر بكرب ربنا وحده أعلم بيه !
و اللي سبقونا و راحوا لربنا .. دايما دعانا ليهم بيطمنا و يحسسنا انهم حولينا .. و يقينا في الله انه هيتقبل دعانا و تضرعنا ليهم .. اللي مش بنملك غيره ..
الدعوة الصادقة سحر .. أقوي من أي شئ في الدنيا ..
أقرب وقت و أقوي علاقة بيننا و بين ربنالنا بندعيه و نتوسل إليه من قلبنا ..
يا رب إشفي مرضانا و كل مريض يا رب ..
يا رب فك كرب كل مكروب و أزل همه ..
يا رب اشرح قلوبنا و نور عقولنا و ارزقنا طاعتك و القرب منك ..
يا رب لا توجعنا و لا تبتلينا في أحبتنا ..
يا رب استرنا فوق الأرض و تحت الأرض و يوم العرض عليك يا رب ..
يا رب حقق أمانينا و أنت الأعلم بها منا ..
يا رب ارزقنا الرضا و السعادة و الخير في طاعتك ..
اللهم ارحم موتانا و موتي المسلمين أجمعين و أجمعنا بهم في الفردوس الأعلي مع حبيبك محمد صل الله عليه و سلم ♡
