فكر وادب ولغه

can i play with your mind .. تسمحلي أغسلك مخك ؟

كتبت .بسمه العدل

من كام يوم كده .. كنت معزومة عند ناس علي الفطار و نازلة من البيت متأخرة و مش لاقية حد أجيب منه حاجه اشتريها .. المهم قبل موصل عندهم الحمد لله لقيت فاكهاني علي الطريق ، فنزلت أشتري منه أي حاجة بدل مندخل علي الناس بإيدينا فاضيه 😂

المهم الراجل واقف في مكان منه للشمس مباشرة يعني الفاكهة بتبوظ منه بسرعه جدا !

فبسأله علي موز تاني غير المعروض اللي كان معظمه اسمر و مستوي جدا من الحر ..
التسويق عامة لأي منتج أو فكرة بيبقي في جزء كبير مبني علي التضليل و تحلية الحاجة في عينك سواء بالكلام المتزوق المرصوص جنب بعضه أو شكل جذاب أو عرض مغري و فظيع !

قام باصصلي كده و قايلي ان ده موز الأكيلة الصح 😂

طيب يا عم الحاج مبحبش الفاكهة مستوية اللي علي متتحط في الكيس هوصل بيها بايظة أصلا.. غير إني بحب الفاكهة ناشفة و عمري ما بكل الطري و لا المستوي .. و هو مصمم يقنعني بإني أدوقه .. طب حطيه في التلاجة .. ناقص يقولي انتي مبتفهميش 😂

الفكرة بقي كلها تكمن انه بيحاول يحلي بضاعته في عيني!

و دي من أكتر الحاجات اللي ممكن تستفزني ..

أولا لأن مفيش قاعدة و لا قانون يقول ان الفاكهة المستوية أحسن و لا الناشفة أوحش .. عشان دي أذواق .. و قيس ده علي أي حاجة ليها علاقة بالذوق الشخصي ..

و مينفعش حد يقنعك بحاجة غصب عنك حتي لو بالكدب و التضليل عشان يحلي بضاعته او يثبت إن رأيه صح !

التسويق عامة لأي منتج أو فكرة بيبقي في جزء كبير مبني علي التضليل و تحلية الحاجة في عينك سواء بالكلام المتزوق المرصوص جنب بعضه أو شكل جذاب أو عرض مغري و فظيع !

تحس انه يحاول يبرمجك و يدخل من مداخل معينة علي حسب شكلك و طريقة كلامك و ردك عليه .. اللي هو مش هتمشي من هنا غير و انت مقتنع و مش بعيد بعد كده تبقي انت نفسك أظتة تسويقيه للحاجة دي !//
خليك مقتنع بقناعاتك المناسبة ليك و لدينك و لتربيتك و ظروفك ..

متخليش أي حد يلعبلك في دماغك و يأثر عليك و كلمة تجيبك و كلمة توديك !

فكر مرة و اتنين و تلاته و لو اقتنعت تمام مقتنعتش خلاص متجاملش حد !

#طب_دوقي_الموزة_دي
#اعقلها
#غسيل_مخ
#can_i_play_with_your_mind
#خاطرة_بو

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق