كتبت .بسمه جمال العدل
امبارح الموافق الثلاثاء ( ١٨ /٩ /٢٠١٨ )
عملت حاجة كان نفسي أعملها من سنين ❤
و هي إني أحضر حفلة للموسيقار العالمي المبدع ” عمر خيرت ” ، و يمكن ناس كتير تعرفني عارفين الموضوع ده ?
و علي الرغم إن التذاكر بتتخطف في أقل من ١٠ دقايق أول ما بتنزل علي الموقع و يكاد يكون الموضوع مستحيل ، إلا إني كان عندي يقين إني هحضر المرة دي بالذات ، خاصة ان دي أول حفلة بعد توقف حفلات الأوبرا فتره الصيف?
و استعديت و جبت لبس جديد من قبل ما حتي أحجز و لا أعرف حتي هجيب تذاكر ازاي ?
فضلت متابعه الموقع و دخلت ملقتش و لا مكان الحقيقة ? بس فضلت متابعة لحد يومها بليل و لقيت كراسي فاضية الحمد لله ❤
٢ صف رابع من المسرح ليا أنا و جوزي و كرسي صف أول لبابا ?
و بأقصي سرعة لبست و نزلت حجزتهم فوري لإن لو مدفعتش خلال ساعة الكراسي بتسترد تاني ❤
? نيجي بقي للحفلة و جمالها ?
الفكرة مش في الموسيقي و تميزها و رقيها بس..
و لا إنك من وسط مليون موسيقي أول ما تسمعها هتعرف انها موسيق عمر خيرت اللي حاطط عليها بصمته الخاصة جداً ..
و لا إحساسك كل مرة بتسمعها كأنك أول مرة تسمعها ، علي الرغم انك ممكن تكون سمعتها كتير و محفورة جواك ❤
و لا إحساس إن الموسيقي لغة بنكهة خاصة مبتحتجش ترجمة لإنها لغة عالمية بتمس الوجدان و الذوق و القلب و بس ..
الفكرة اللي لمستني جدا بعد حضوري :
” الفرقة .. التناغم .. الشغف و المتعة اللي علي وشوشهم .. ”
الهدوء و الراحة و السلام و الروقان اللي بتحسها لما تبصلهم ❤
تفاعلهم مع العزف و الألحان بكل كيانهم و إحساسهم ..
رِجل عمر خيرت و حركتها و تناغمها مع الألحان كأنها جزء من العزف اللي بيوصللك إحساس معين بالصدق و التفاعل ❤
اللي حصل امبارح مكنش مجرد حفلة ، كان عبارة عن نقل طاقات ..
ادولنا طاقة أمل و شغف و حب و متعة حقيقية و سلام و بهجة تحس بيهم إنك في عالم موازي أنضف و أرقي ❤
و الجمهور المميز جداً لم يبخل بحبه و مشاعره الحلوة و سعادته الحقيقية و التفاعل و الإنبهار و التسقيف الحاد اللي طالع من بهجة و نشوة حقيقية ❤
التجربة حقيقي تستحق إنك تخوضها .. الحياة بتتعاش مرة واحدة متستخسروش في نفسكم لحظات حلوة تسرقوها من الزمن و من وسط دوامة الحياة ..
إحنا نستحق الأفضل و نستحق نعيش و نسعي نبقي سعداء ❤
الحمد لله ❤
” music is on , world is off ” ? ?
#عمر_خيرت #العالمي
#الأوركسترا #روح_الفريق
#الشغف #الإبداع
#طاقة_سعادة
#الجمهور #التسقيف #التفاعل
#غذاء_الروح #البهجة
#تجربتي_الرائعة
#دار_الأوبرا_المصرية
#قلوب_كتير
#❤
#خاطرة_بو
