فكر وادب ولغه

خاطرة بو مع بسمة جمال العدل

اللهم أمناً و أماناً ?

كتبت .بسمه العدل 

لو جينا نركز كده شوية علي أهم قيمة و احساس ممكن تحظي بيه في أي علاقة و بييجي وراه كل الأحاسيس التانية .. و لو مش موجودة حتي لو في ميت احساس تاني موجود هتفضل هي ناقصة ..

هيكون ” الإحساس بالأمان ..”

أمنت يعني سلمت ، يعني اطمنت و سكنت..
يعني وثقت و صدقت ..

فقدان الإحساس بالأمان في أي علاقة هو بوابة الخروج الرئيسية من العلاقة دي ..

هل من الممكن لعلاقتك مع أي شخص و انت مش حاسس في وجوده بأمن و أمان انها تكمل و توصل لبر ؟

هل ممكن تطلَّع اللي في قلبك مع شخص و انت مش مأمن ليه ؟

هل ينفع أصلا و انت مش مطمن انك تشعر بسكينة و هدوء نفس ؟

و لا هتفضل طول الوقت حاسس بتوتر و قلق و خوف ؟

? طيب نيجي بقي لأساس الأمان في الدنيا دي ..

قَالَ النَّبِيَّ -صَلَّى اللَّهُ عَلَيْهِ وَسَلَّمَ-: « مَنْ أَصْبَحَ مِنْكُمْ آمِنًا فِي سِرْبِهِ مُعَافًى فِي جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا بِحَذَافِيرِهَا»

آمنا في سربه يعني آمناً في بيته و أهل بيته ، و قبل كل ده أمانه الأساسي هو أمانه بالله ، أمانه بإيمانه ..

اذا أمنت بالله و وجوده و وحدانيته و كماله ..
آمنت بإنه الخالق القادر الذي لا يضيع من خلق حشاه..
آمنت بإنه الكريم الواسع المجيب السميع البصير ..
آمنت و أيقنت بإن النافع هو الله و الضار هو الله بيده الأمر كله و ما دونه سواء ..
آمنت بعدله و حكمته و رحمته ..

اذا آمنت و سلمت و أيقنت و طبقت ..

ساعتها تعرف إنك فزت بمعيته و رحمته و لطفه و حفظه و نصره و تأييده و أمانه ..

ساعتها بس هتنام و انت قرير العين ، مطمئن النفس ، منشرح الصدر ، حتي روحك بتستودعها ربنا يحفظها و يرحمها ?

دمتم في أمان الله ?

#آمنت #سلمت #أيقنت #طبقت
#قرير_العين
#منشرح_الصدر
#السكينة
#الأمان_بالله
#خاطرة_بو ?‍♀️

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى