فكر وادب ولغه

نقط وحروف

اهداء الى محمد

كتبت .سالي صبري

وبين قلبي وبين قلبك
نقط وحروف
بتتجمع يبان الشوق
وتتفارق فيظهر خوف

عنيك بتطُل عالجنة
وانا عيوني بتتمني
يطول العمر لو أمكن
يقربنا ويجمعنا ..

أنا ايامي من غيرك
لا ليها لون ولا معني
ولو كل البشر خاينين
دُنيا العشق هتساعنا

الفرحة كانت عندي زمان
بكام فستان ؛؛ وكام توكه
شعوري بإني بنوتة
كنت بطير بلبس جديد
ولمة أهلي يوم العيد
وكام قصة وحدوتة

وشوفتك فرحتي بقت بيك
وصبحت بسمتي انت
وخدت مكان ف احلامي
مخدهوش حد من قبلك
بقيت الناس ؛؛ وكل الاهل واللمة
ووانت بعيد
يغيب العيد
ماهو انت العيد
وانت الضحكة والبسمة

يلوموا الناس
يغيروا الناس
يغيبوا الناس ..
أنا يفرق معايا (انت)

مد ايديك وطول ايدي
ودوب اكتر ف تكويني
وازرع عشق في وريدي
واحلم حلم فوق حلمك
يعدي حلمي 100 مرة
واسبق خطوتي بخطوات
واتكلم كفاية سكات

ولو بقسي عليك مرة
فمن ضعغي ومن خوفي
كبيري اواجهك بالكلمات
وأصالحك برده بحروفي

ما كل الخلق شايفينك
شكل وصورة من بره
وانا حفظاك من جوه
بتفاصيلك أنا الأدري
وأنا الاكتر ايمانا بيك
فعدي وفوت فوق ضعفي
وزيد إصرار وزيد قوة

انا جمبك ..انا سندك
هعيش بدعي
تلاقي الخير
تعيش ف النور
تعدي الحلم والفكرة
ولو كل الشموس هتغيب
شمسك انت تقيد بكرة

 

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق