فكر وادب ولغه

خاطرة بو مع بسمة جمال العدل

يادي المشاعر

كتبت .بسمه العدل

يادي المشاعر

أكتر حاجة ممكن تطلع أطفال غير أسوياء و أشخاص غير ناضجين نفسياً و روحياً هي نقص و قلة اظهار المشاعر،بحِجة إن كل ما أبقي جد أكتر و قاسي أكتر هطلعه صالح مبيغلطش و مستقيم ميروحش يمين أو شمال!

ماهو أصله بيخاف مني !

و الحقيقة انه يا هيطلع مش بيخاف منك انت بس لا ده كمان بيخاف و يترعب من كل حاجة و أي حاجة، و بالتالي هينساق ورا أي حد و أي كلمة تملي دماغه بسهولة جداً!

يا هيطلع متمرد و قاسي و صورة تبك الأصل منك !

و في الحالتين أنت صنعت قنبلة موقوتة و أول ما هتنفجر هتنفجر في وشك انت!

صنعت شخصية مهزوزة محرومة من أقل حقوقها الفطرية و هي توفية احتياجتها
العاطفية و النفسية المشروعة جداً ..

و فقدان المشاعر الطبيعية الأساسية دي بتخلق أشخاص مضطربين نفسياً و مشتتين ذهنياً،غير قادرين علي أداء دورهم في الحياة بشكل سليم، بالعكس دول كمان بيبقوا عبء علي اللي حواليهم..

ده غير العقد اللي كل ما يكبروا هتزيد معاهم يوم عن يوم!

كلنا بدون استثناء محتاجين نحس بالمشاعر دي:

(القبول – الإعجاب – التشجيع – المساندة – دفء المشاعر – الشعور بالأمان – الاحترام – الاهتمام – التعزية – التقدير)

و الطفل خاصة بيحتاج الإحتضان و التقبل و الحب اللي غير مشروط ولا بوقت و لا مكان و لا شكل و لا حتي سلوك و اللي بيمثل و بقوة الشعور بالأمان و الإستقرار اللي بيحوله بعد كده لإنسان شبعان عاطفياً و قادر علي العطاء و الإبداع و السير و التطور..

في الختام علي قد ما هتزرع مشاعر طيبة علي قد ما هتحصد أشخاص أسوياء و صالحين و نافعين لنفسهم و ليك و لكل اللي يقابلهم ..

و علي أد ما هتزرع مشاعر سلبية علي أد ما هتحصد حصاد الشر و البؤس ليك و لكل اللي حواليك

اتعلموا تحبوا و تدوا و اظهروه بكل شكل و كل صورة 💓

#الحب_حلو
#مشاعر
#يادي_المشاعر
#اتعلموها
#ازرع_تحصد
#بسمة_العدل
#خاطرة_بو 🙆

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق