خاطرة بو مع بسمة جمال العدل

من الحاجات المهمة أوي في حياة كل واحد فينا
وجود اللي يسمعك 👂

بس اللي تجري عليه و تفتحله قلبك و يسمعك ده لازم يكون فيه شوية حاجات لو مش موجودة يبقي تبعد عنه خالص ..

👈مينفعش يسمعك و يجاريك طول الوقت في الصح و الغلط ..

👈لو اللي بيسمعك مكنش عنده وعي و حكمة و ميزان للأمور يبقي بيغرقك و بيضللك..

👈لو اللي بيسمعك معندوش القدرة انه يهَدّْيك و يفكر معاك بصوت عالي و يحاول يرجعك لنقطة اتزانك من تاني يبقي ملوش لازمة الكلام معاه ..

👈لو اللي بيسمع مش بيسمعك من قلبه و لا خايف عليك يبقي مش هيوقعك غير في شر أعمالك ..

نيجي بقي بالنسبة للي بيتكلم💬

لازم تبقي واعي جداً انت بتقول ايه لمين !

لازم يبقي عندك الفلتر اللي تقدر توصل بيه:

١-مين بيسمعك و بينصحك صح بما يرضي الله..
٢- مين اللي عنده القدرة يستوعبك و يهديك فيكون خيار كويس انك تروحله و ترتاح معاه و تستعيد اتزانك..
٢-و مين بيسمع و خلاص و بيملي ودانه و بيضيع وقته و وقتك..
٣-و مين بيسمع و بيأذيك و بيزيد همك و يسود قلبك و عقلك !

خللي بالك بتقول ايه لمين..
خليك واعي و صاحي و لو معندكش الحد الناصح الأمين اللي قلبه عليك متكلمش حد ..

و اعرف ان ربنا سامع و مطلع و عالم هو الملجأ و الأمان من كل خوف و من كل شر و فزع و أذي ..

الله الله و كفي ⁦❤️⁩ كلموه و اسألوه الحكمة و الرشد و الصحبة الصالحة 🤲

#بسمة_العدل
#خاطرة_بو