فكر وادب ولغه

٢٦

كتبت .آلاء إبراهيم

٢٦

١.اتكلموا مع ربنا كتير قبل النوم عشان تطمنوا

٢.اشربوا مياه كتير وخاصة فالشتا

٣.متتجوزوش إلا لما تحسو ان اللي قدامكم حاببكم اكتر من حبكم ليه عشان متتعبوش قدام

٤.سيب أي شغلانة مش عجباك

٥.لو مضايق من حاجة ومش عارف تقولها اكتبها في ورقة وبعدين قطعها هترتاح

٦.امشوا كتير واطلعوا سلالم أكتر

٧.اهتموا ببشرتكم مهما كانت حالتكم النفسية

٨.العبوا يوجا ولو ربع ساعة فاليوم

٩.اقروا كتب خفيفة ولو كتابين على مدار السنة

١٠.اتعلموا حاجة واحدة عن كل حاجة حواليكم

١١.الوجع بيعلم مش بيموت فاستغلوه صح

١٢.مفيش مصيبة فالدنيا غير الموت فهونوا على نفسكم وقت الابتلاءات الدنيوية

١٣.اتفرجوا على حد بترتاحو لكلامه عن ربنا زي مصطفى حسني او الشيخ الشعراوي

١٤.شوفوا أفلام كارتون واكسروا حاجز إنها للأطفال بس لأن كل واحد فينا جواه طفل صغير

١٥.الأكل البيتي أنظف من أي مطعم فحاولوا تكتروا من العادات الصحية في الأكل عشان جسمكم يستفيد

١٦.اعملوا أعمال تطوعية ولو ساعة واحدة في الشهر هيزود عندكم هرمون السعادة بشكل كبير

١٧.متكسفش أي طفل بيبيع مناديل أو واقف في إشارة وفرح قلبه واجبر بخاطره

١٨.اوعى تقصر فالصلاة مهما كنت مرهق ومش قادر اوعى تسيب فرض

١٩.استغفروا كتير بنية شفاء المرضى لما تدخلوا مستشفيات

٢٠.الذكريات الحلوة ربنا خلقها عشان نعرف من خلالها قيمة الايام الصعبة وانها مش هتدوم فاصبروا وقولوا الحمدلله فالوحش قبل الحلو

٢١.محدش هياخد رزق حد فلما حد يطلب منك مساعدة متتأخرش

٢٢.صاحب الكل وحيد فخلي دايرة معارفك محدودة وصادقة وبسيطة

٢٣.لما تدخل أي مكان جديد اقرأ المعوذتين عشان ربنا يحاوط عليك ويحميك فيه

٢٤.قول السلام عليكم ورحمة الله وبركاته لأي حد ماشي جمبك وابتسم في وش الناس

٢٥.صلاة الوتر وقيام الليل هي مفتاح تحقيق المعجزات فحافظوا عليهم

٢٦.متنسوش رقم واحد ♡ ..

العمر لحظة ، حاول تستغله صح واعرف إن الحياة الحقيقية هتبدأ هناك لما نقابل رب كريم

دايما بحس ان عمري الحقيقي هو اللحظات اللي عيشتها مبسوط ونايم مطمن ومرتاح البال واي حاجة غير كدة مجرد ارقام . و صدقني انت مهما كبرت هتفضل صغير أوي في الدنيا مهما شالت فيك وحطت ! بس متقلقش ربك رحمته واسعة مبيسيبش حد هو اللي خلقك وهو اللي هيعلمك بعلمه ويشكلك على مزاجه ويسيبك تخبط فالدنيا لحد ما تقابله فالنهاية فاعمل اي حاجة حلوة تستاهل اليوم ده .

دُمتم طيبين وقريبين من الرحيم الكريم مهما قست عليكم دنيتكم .

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق