فكر وادب ولغه

حاجات مبتتقدرش

كتبت .آلاء إبراهيم

مش شرط يكون الرزق في فلوس ، جايز يكون في انك تركب مع سواق تاكسي مشغل قرآن وبيقول معاه بصوت جميل ورايق وسط زحمة المهرجانات والشوارع اللي عملت للواحد تلوث سمعي . بتحس ساعتها ان في سكون في الطريق وسلام لحد ماتوصل بيتك :”)
أو ممكن في إنك تقف في إشارة جمب عربية ترحيلات مصلحة السجون ف بالصدفة عينك تيجي في عين مسجون بيحاول يسرق شوية هوا ونور من السلك اللي على الشباك ! فتحمد ربنا على نعمة الشمس والهوا والحرية .
أو ممكن طفل بسيط بهدوم أبسط بيرتعش وسط العربيات عشان يجمع ثمن علب المناديل اللي معاه وانت قاعد فالتاكسي لابس احسن جاكت ومتدفي !
الحقيقة في حاجات مبتتقدرش و مالهاش بديل والشعور فيها بيحصل مرة واحدة ولو اتكرر هيكون نعمة ورزق كبير جداً من عند ربنا أكبر من نعمة الفلوس .
فالحمدلله ♥️ على كل المواقف والإشارات الربانية اللي بتحصل في خلال يومنا وتحسسنا اننا صغيرين أوي على كل النعم الكتير اللي احنا فيها ومش حاسين ف نحمده ونشكره عشان يزيد ويبارك في اليوم وانه يعدي بسلام من غير قلق أو تعب حد بنحبه فنتوجع .
وصدق اللي قال مين حمده زاده .

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق