ابويا مهما كبر هو الظهر والسند

بيقوللى يابا عجزت
وخلاص سنك كبر
سنينن يابا ما ارتحت
ولا حد عليك قدر
يخليك يابا ترتاح
رديت وقولت يا واد
أنا صحتى ف شقايا
ولو ريحت ياواد
وسندت على عصايا
أتعكز عليها ياواد
هتبقى دى النهايه
طول مانا شقيان ياواد
طول مانا بخير ياضنايا
الجته طول مافيها حركه
تعيش عفيه ياضنايا
وطول ما بروح وباجى
تفضل ماشيه الحكايه
وأفضل يا ابنى عايش
لحد ما اكمل الرساله
ادعيلى يا ابنى أموت
وانا على رجلى واقف
وأدعيلى أكمل رحلتى
وأستر كل الولايا
وأشوفك يا ابنى سندى
بدل ما اسند عالعصايا