فكر وادب ولغه

العوض الجميل

كتبت .بسمه العدل

عارف لما يكون في واحد بيعمل حاجة هاند ميد و محترف فيها جداً جداً و الناس تبقي مبهورة بيه جداً جداً جداً و يقولوا ده فنان و مبدع ؟ ?

تخيل انبهارنا ده بحاجة من صنع الإنسان !
فما بالك بالصناعة الربانية ؟؟
اللي كلنا أصلا مخلوقاته اللي صنعها فأحسن صنعاً و لله المثل الأعلي ?

ربنا بقي زي ما أبدع و أحسن صنعاً من أول ما خلق الخلق و فصلنا تفصيلاً ? و مش بس كده ده كمان سخرلنا الكون كله لخدمتنا .. ?

طيب عمرك انت هتعمل حاجة من صنعك و تضيعها أو تكسرها ؟ عُمرك !!

و بما إن لله المثل الأعلي فأكيد مفيش أدني شك ان ربنا بيعمل كل حاجة لحكمة في نفسه و إن جهلنها ..

عشان كده زي ما في ابتلاءات في الدنيا لحكمة ربانية .. ففي كمان العوض الجميل ..و اللي يقول غير كده يبقي يئوس كفور ..

قال تعالى:
﴿ وَلَئِنْ أَذَقْنَا الْإِنْسَانَ مِنَّا رَحْمَةً ثُمَّ نَزَعْنَاه مِنْهُ إِنَّهُ لَيَئُوسٌ كَفُورٌ ﴾
#سورة_هود

إيماننا بالله مش كفاية لفهم حكمة ربنا في أي حدث بيحصلنا ، لكن تقبلنا و رضانا هو أصل الإيمان ده !

الأحداث اللي بتحصل دايما لينا منتهاها الرضا و الشكر و تصحيح المسار اللي دايما بيميل كجزء من طبيعتنا كبشر ..

بتحصل عشان نفوق و نراجع نفسنا و مشاهد كتير حوالينا بتحصل كجرس إنذار عشان نتعظ ..
اللي مبيتعظش و اللي مش بيفهم رسايل ربنا ليه و يعقلها كده عليه بقي العوض مش ليه أبدا !

” من لم تحدث المصيبة في نفسه موعظة فمصيبته في نفسه أكبر ”

خليك علي يقين إن العوض لو موصلكش في الدنيا هيوصلك تالت و متلت في الآخرة بل و أكتر مما نتخيل كمان

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى