فكر وادب ولغه

الصدمه

كتبت .بسمه العدل

لما بجي أتعرف علي حد و يسألني انا مخلصة كلية ايه .. فيعرف اني مخلصة هندسة قسم عمارة .. و يكون الحوار كالتالي :

“فتحة البوق مع الإنبهاره”

و بعدين السؤال بقي و مبتشتغليش ( ١٥ ألف علامة تعجب و اندهاش ? !!!!!!!!!!!)

“لأ مبشتغلش ”

بعد كده الصدمه بقي .. (( ليه خساره و حرام )) !!! ?

بغض النظر ان كل واحد عنده ظروفه الخاصة اللي مش لازم يعد يسردها .. إني شايفة ان جملة خساره و حرام دي جملة بشعة جدا ..
مفيش حاجه اسمها خساره ..

أولا : يكفيني اني اتعلمت و درست حاجه بحبها و مستمتعة تماما بيها رغم تعبها طول فتره الكليه ?

ثانيا : أي علم أو نوعية الكليه بتفرق جدا في الشخصية .. بتديك طابع و طريقة تفكير و ذوق مختلف حتي لو مكملتش شغل في نفس المجال .. بس أكيد بتأثر في اختياراتك و توجهاتك بعد كده بشكل ما ..

ثالثا : ايه يمنع انك تدرس حاجه و تشتغل حاجه تانيه !
احنا بنتغير و شغفنا بيتغير و ظروفنا كمان بتتغير ?

احنا عايشين عشان نتعلم و عشان نعمل اللي بنحبه .. الواحد مش هيعيش غير مره واحده فيعيش زي ما يحب مش زي ما الناس كلها بتعمل ..

الحياة ملهاش خريطة واحدة .. كل واحد ليه الخريطة اللي بيرسمها لنفسه ?

#اتبع_شغفك
#ارسم_خريطتك
#العقلية_التحجرية_الثابتة
#الصدمة

#خاطرة_بو ?

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى