فكر وادب ولغه

فكرة

كتبت .آلاء إبراهيم

فكرة

أنت بتحارب فكرة الظلم ولا الشخص الظالم نفسه ؟

لو فكرنا شوية هنلاقي المعظم مننا عاوز يحارب فكرة معينة أو معتقد ما زي الأنانية والكره والظلم والإستبداد ..وووو..إلخ فبيحاول يستخلص المعتقد ده من الشخص سواء بالتهديد أو المنع من ممارسته فالمطلق !

مثال بسيط لما الأم تلاقي ابنها بيكذب كتير جداً هل هتتجنبه عشان يبطل الكذب ولا هتعمل حاجة تانية ؟

معظم الأمهات بيهددوا أبنائهم لو كذبت تاني يا فلان مفيش لعب ، مفيش خروج ومفيش كلام مع حد .. بتعزله عن العالم اللي بيحبه عشان يتحسن ويرجع لأصله! بتحطه تحت ضغط عشان سلوكه يتقوم من جديد على أساس سليم.

كذلك الفن وخاصة الغناء ” لما واحد يغني ويطلع نشاذ تلاقي الناس تقوله صوتك وحش ،روح اتعلم غنا صح ! .. ألفاظ صح وموسيقى صح ..”

بالظبط هو ده اللي بيحصل

أم كلثوم لحد الآن أغانيها بترن في كل شارع وميدان رغم إنها ماتت بس فنها وغناها لسة عايش وأصيل.

وعلى النقيض الأخر أي أغاني بتطلع اليومين دول بتأثر على سلوك الشباب بالسلب لا بد من الحد منها عشان نسترجع زمن الفن الجميل من تاني ..

احنا عاوزين جيل نظيف لا غبار عليه من أصل سليم زي أم كلثوم مش عاوزين حد يطلع يتنطط بلا هدف او أي حاجة مش موضوعية وملهاش قيمة . ..

قيمة الفن في الجذور عشان كدة لو لقينا ورقة طلعت مش سليمه ،بنقطعها لحد ما نستنى نبته جديدة تطرح ورد وزرع أخضر للكل يعمر ولا يهدم .

قيسوا على كدة أي حاجة فالدنيا سواء القضاء على فيروس قاتل او تقويم شغل معين أو تربية أطفال هتلاقوا اننا لما نيجي نهدم بنحارب فكرة ولما نيجي نبني بنعمر ونزرع ونكبر في أفكار كتير تطرح نور للعالمين وتعوض اللي اتهد فينا.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى