كتبت .بسمه العدل
” السنة الجديدة ” ?
السنة الجديدة مش تورايخ .. السنة الجديده هي البداية الفاصله ..
هي وقت القرار و الحسم و الإدراك بإنك لازم تتغير فيه فعلياً أيان كان امتي و يوم كام ?
لو هنعتبر إن النهاردة هو اليوم ده فدي شوية حاجات قررتها :
-جدد نيتك و صفي قلبك .
– حب نفسك.
– حب نفسك.
– حب نفسك.
-السعادة قرار مش اختيار .
– صل رحمك ، و بر أبوك و أمك و ارضيهم و اسعدهم و فرحهم و عوضهم تعب السنين ، رضاهم هو مفتاح سعادتك دنيا و آخرة.
-متلزمش نفسك في حياتك و لا تجبرها تعمل أكتر من اللازم ، اللي حاسه اعمله و اللي مش عايز تعمله خلاص متعملوش انتهت.
-متديش لحد أكتر من مساحته و حجمه ، كل واحد علي أد ما بيدي اديه لا أكتر و لا أقل..
-متضحيش و تيجي علي نفسك بزياده اعمل اللي عليك و اللي يرضيك قدام ربنا و بس ..
-حب نفسك قبل أي حد .
-ساعد تتساعد تسعد .
-متستناش .. متتوقعش .. متنتظرش ..متتعشمش .. أبو عشم مات ..
-الحياة أقصر و أبسط بكتير من كل الكلاكيع اللي معيشين نفسنا فيها ، بسطها تبسط و هونها تهون ، و قفلها هتتقفل في وشك ضبة و مفتاح ?
-متربطش سعادتك طول الوقت بحد و لا بحاجة .. اعرف ازاي تبسط نفسك بنفسك .. محدش فاضيلك و لا باقيلك طول الوقت و لا حاجة دايمة ليك فخليك مرن و خللي بالك عليك .
– اعمل كل الخير اللي تقدر عليه ، و لا تحقرن من المعروف شيئاً ، و ابتدي بالأقربون و قول لنفسك لعلها المنجية ..
-متركزش مع حد .. حط أهدافك قدامك و ركز فيها هي بس عشان توصلها متخليش حاجه و لا حد يعطلك .
-قدر اللي يقدرك و اعمل قيمة للي يستحقها بجد ، متديش لحد حيز ميستاهلوش ?
– حاوط نفسك بالحقيقيين المخلصين اللي بيحبوك من قلبهم و لله و بس .
– عافر هتوصل و آمن إنك تقدر هتقدر كفاية احباطات .
– و نقول تاني حب نفسك ..
– اقرا كتير ، و اتعلم و طور نفسك و غذي عقلك بكل اللي يفيده و يقويه ، متفضلش واقف محلك سر ..
– سافر و اتفسح و جرب و اتجنن العمر هنعيشه مرة واحدة بس .
– ارضي و تيقن بإختيارات ربنا ليك ، و اسعي مفيش حاجة هتحصلك و انت في مكانك .
– حب نفسك ، خاف عليها و كلمها و اسمع لها ، هي الأهم و هي الأولي انك تحافظ عليها و تحبها و تطبطب عليها و تدعمها و تسعدها بكل طريقة ..
– لما تحبها حب سوي مش حب أناني هتلاقيك مدرك قيمة الأمانة اللي ربنا وهبهالك : عقلك و جسدك و روحك ..
غذيهم صح ?
-و أخيراً خليك النسخة الأفصل ليك ?
شكراً لكل انسان قدرنا و فضل محافظ علي مكانته .. انتم نعمه ربنا يديمها ♡
شكرا لكل اللي خذلونا .. مكملين من غيركم أقوي .. ?
شكرا لكل موقف علمنا ?
ربنا كبير .. ربنا كريم .. ربنا واسع .. ربنا قادر .. رينا جابر ♡
اللهم عاماً بلا أحزان …اللهم ارزقني و أهلي و ذريتي و أحبتي الخير كله و لا ترني فيهم بأساً و لا هماً ، و اشفي مرضانا و أرحم موتانا و موتي المسلمين أجمعين ♡
اللهم فرجك و لطفك و كرمك و غفرانك .. اللهم قربنا اليك و ارضنا و ارضي عني و احفظنا و اشملنا بحفظك و رعايتك و افتح لنا أبواب رحمتك و ارزقنا سعادة الدارين يا الله
#اللهم_عاماً_بلا_أحزان
#اللهم_حقق_أمانينا
#٢٠١٩
#خاطرة_بو ?♀️
