دكتور.جمال جادو
(نص ونص)
الناس منقسمه نصين نص مع المهرجانات؛ والنص تاني مع قرار هاني شاكر لوقف المهرجانات؛
سواء بقي انت مع النص دا او النص التاني احب اقولك عيد تفكيرك تاني.
ايه الفرق بين هاني شاكر وعمرو دياب او حتي ام كلثوم وبين حمو بيكا وجميع مغنيين المهرجانات؛ هل حمو بيكا بيقدم اسفاف واغاني هابطه وهاني شاكر ورفاقه بيبيعوا سبح؛
يا ريت نحكم عقلنا شويه يا جماعه ونفوق ما هم كلهم بيقدموا مزامير وطبل واسفاف سواء دول او دول؛ طب ليه بقي كل الهيصه والشو المعمولين دول؛
هل عشان اغاني المهرجانات حرام والاغاني التاني الكلاسيكيه او العاديه حلال؛ او المهرجانات بتفسد الاخلاق والتانيه بتصلحها؛ احب اقولكم لا طبعا كلهم بيخلوا الانسان يعيش في الوهم؛
واقولكم ان السبب الحقيقي ورا الشو دا ان اصحاب المهرجانات غطوا علي المغنيين التانين مش بس في الشهرة لا في الشهرة والفلوس والأجور كمان؛
تعالوا يا جماعه نفوق كدا وخلونا نعمل حاجه صح وننضف قلوبنا و مسامعنا؛ ونقاطع كل انواع الغناء والعبث دا؛ وعيشوا الواقع.
مضايق شويه اسمع قرأن او اقرأه؛ اقرأ رويات وكتب او اقرأ شعر او اخرج غير جو؛ اعمل اي حاجه كويسه فيها منفعه ليك.
